هەندێک زانیاری دەربارەی لاواز بوون
بەیانی (٧) دانە خورما هیچی تر نەخۆی تا نیوەڕۆ، نیو کاتژمێر پێش نانی نیوەڕۆ (٧) دانە خورما بخۆ، نابێت نیوەڕۆ گۆشت و چەوری و شیرینی هەویر کاری بخۆیت، دەبێت شتێکی سادە و کەم چەوری بێت، پاش نانی نیوەڕۆ بە (٢٠)خولەک سێ پەرداخ ئاو بخۆرەوە ئیتر ئاو مەخۆ تا کاتژمێرێک دوای نان، پێش نانی ئێوارە بە نیو کاتژمێر (٧) خورما بخۆ و پێش نان دوو پەرداخ ئاو بخۆرەوە و نانی ئێوارەت با زەڵاتە بێت دەبێت هەردوو ژەم پیاز و تەڕە تولە بخۆیت، دەبێت زۆربەی خواردنت سەوزە و میوە بێت، بۆ دابەزینی ورگ و کەم کردنی کێش پێویستە زۆر ئاو بخۆیتەوە بەڵام هەموو پەرداخ ئاوێک کەوچکێک ئاوی لیمۆی تێ بکرێت بەتایبەتی بەیانیان بە سکی بەتاڵ و شەو پێش خەوتن دەبێت ئاوی لیمۆ بخۆیتەوە وە سرکەی سێو بەردەوام بخۆیتەوە پاش ماوەیەک کێشت دادەبەزێت، گیای میرمیە پڕی کەوچکێک لەناو پەرداخێک ئاوی کوڵاودا دەم دەکرێت و سێ ژەمە دەخورێتەوە دوای نان، گەڵای سەنامەکی پڕی کەوچکێک لەناو پەرداخێک ئاوی کوڵاودا دەم بکرێت و سێ ژەمە دەخورێتەوە دوای نان، پڕی کەوچکێک زیرە لەناو پیاڵە ئاوێکی گەرمدا دا بنێت تا بەیانی، بەیانی لەگەڵ ئاوی یەک لیمۆ بە سکی بەتاڵ بخورێتەوە، (چای سەوز+ ناعناع + توێکڵی هەناری ووشککراو) هەریەکێکیان پڕی کەوچکی زەڵاتە و زەنجەفیلی تەڕ بە ئەندازەی لەتە خورمایەک هەموویان بەیەکەوە بکوڵێن بۆ ماوەی (١٠) خولەک لەناو یەک پەرداخ و نیو ئاودا ڕۆژی سێ جار بەو ئەندازە بخورێتەوە.
دارچین و چای سەوز و بەیبوون و میرمیە هەریەکیان پڕی کەوچکی زەڵاتە هەموویان بەیەکەوە بکوڵێن بۆ ماوەی (١٠) خولەی لەناو یەک پەرداخ و نیو ئاودا ڕۆژی سێجار بخورێتەوە، ئەگەر لە جیاتی چای ڕەش چای سەوز بخورێتەوە زۆر باشترە، هەموو ڕۆژێک (٢-٤) فنجان لە یەکێک لەو ئارەقانە بخورێتەوە (ئارەقی شوید - ئاوەقی بابا ئادەم - ئارەقی بەیبون - ئارەقی ڕازیانە - ئارەقی زنیان - ئارەقی زیرە - ئارەقی شمڵی).
